انتو رابكم شنو ...

بالامس بينما كنت مستلقيا على كرسي التوهان ..

كنت اشاهد التلفاز واقلب القنوات ..
اقلب قناه
وافط قناه .. ودي على وزن :
آكل سطر
وافط سطر .. هييييييي يكا .

وبصراحه القنوات صارت اكثر من الحد المعقول .. تجد اي دوله خصصت لها عدة قنوات متخصصه بعدة مواضيع ..

ده ما موضوعنا !!! طيب ..

لفت انتباهي احد البرامج في احدى القنوات .. بس مامتذكر القناه دي شنو ..! بس تقريبا قناة MBC 4 اما البرنامج فهو عباره عن الكميرا الخفيه .. لكنه باسلوب وقح وسغيل شويه ..

وكان الذي يقوم بدور الزول البمقلب الناس .. يتخذ عدة ادوار ..

مثلا ...

كان صاحب الدور يقصد ضحاياه من الماره الذين يسيرون وبرفقتهم كلاب - الله يكرمكم - فياتي الى صاحب الكلب فيقول له :

كلبك جميل ولطيف .. خليني اشوفو .. والله nice .. ساشتري منك هذا الكلب .. لن اذهب الا ان تعطيني كلبك ..
طبعا بالانجليزي ما بالعربي .

والمنظر ده استحاله يحصل عندنا في السودان ولا العالم العربي كلللللو زاتو !!

وفي المقلب التاني :

المقلب عباره عن مطعم للوجبات السريعه ، به عامل متسخ الملابس ومقزز الشكل وسميييييييــن بالاضافه الى الكاشير ..
ياتي الزبون الى المطعم - اكيد بيكون مهوي وزيتو طالع - فيطلب مايريد من الوجبات المستعجله دي .. ويقوم بدفع المبلغ المحدد لكل وجبه ،، ويقف بانتظار العامل ان يجهزها له ،،
فيبدا العامل بالسعال والقحقحه في الوجبه ،، والزبون ينظر .. والشئ الضحكني انو العامل كان ماسك السكين عشان يقطع السندويتش .. فجأة فاذا بيده تنجرح ويبدأ بالتمثيل كانه جُرح .. والزبون في اللحظه دي بطنو بتكون قلبت وطمت .. فيقول :
خلاص انا ما داير الوجبه دي .. رجع لي قروشي .. والله اشتكيكم لوزارة الصحه ..

فيبدأ الكاشير في تبرير موقفهم وان مطعمه نظيف ولا يحتوي على الجرثومه واحده .. بس العامل تعبان شويه وعندو انفلونزا وبرد ..
فقلت في سرّي : طيب يا أولاد الخواجيه قاتلكم الله .. لو جيتو السودان هنا بحصل ليكم شنو ؟؟ حيجيكم انهيار عصبي !! ........ . نكمل كلامنا

فيبدا الزبون في النرفذه الى ان يكاد ان يطفح به الكيل .. فيتم اخباره بانه كان مع الكميرا الخفيه .. " يعني موسروهو " ...

البرنامج به جائزه وهي عباره عن 100 دولار للشخص الذي يصبر على هذه الوقاحه 7 دقايق .. 7 دقايق دي عند المجتمع الغربي حاجه كثيره شديد ..

غايتو البرنامج كان مضحك وفيهو مقالب ظريفه ..

طيب ..

اتخيلو البرنامج ده كان في بلد عربي .. فلنفرض انو السودان ،، وبه وقاحه وثقالة دم .. نشيل حكاية الكلاب دي خالص ،، لانو في السودان لا نربي كلاب الزينه !!

قمت مشيت مطعم من المطاعم االماشه بنظام ".. الدفع قبل الاكل.." واطبقت فيك الحكايه دي ؟؟

انا في رائي والشايفو في السودانين ديل باخلاقهم الضيقه دي !!

انا قايل والله لو وروه انو في كميرا خفيه زاااااتو .. والله خايف ما يقتنع !!



انتو رايكم شنو