شخيطه طبشور ..\\

قصه الريد القديمه بسألوني عليها ديمه ...

و كل ما حولت انسى ... صحوا ذكراها الأليمه ...

غنيه حلوه و معبره ...

كان بدينا مجموعه الشخابيط قبل مده ... و زي ما عارفين انو الحصل لي المنتدى شلت الشخابيت بره و قال ليها الله مع حنانك ...

لكن هي في النهايه شخابيط ... يعني لو اتمسحت حا نجي و نشخبط من اول و جديد ...

عايز ابدأ الشخابيط المره دي بموضوع جديد ... و هو حاله عدم الرضى على المنتدى ...
انا عارف و متأكد انو معظمكم زعلان من البحصل لي المنتدى و متأكد اكتر انو في كتير منكم بدو يفكرو يخلو المنتدى نهائي ...

لكن قبل ما اكمل كلامي حا اقول ليهم حاجه ... العايز يخلي المنتدى حاليا ربنا يسهل ليهو لكن لو خليت المنتدى في الوقت ده رجاء خاص لما المنتدى يرجع بشكلو الطبيعي و اللي اتعودنا عليهو تاني ما تجينا ... لأنو البخلينا في زنقه ما زولنا و البقيف معانا في زمن زي ده فهو فعلا خايف على المنتدى ...

عارف كويس انو الزهج حصل من تكرار الكفاوي و البلاوي ... لكن في مثل لايمكن انو انساهو (( القمه مستهدفه ... و أن كنت في القمه فعلم انه من الصعب المحافظه عليها )) ...

اي انو مثل و حكمه عبر الزمن ... لكن لو رجع الوضع زي ما كان فأنا حا اقول لصاحب المثل (( القمه مستهدفه ... و إن كنت في القمه فإعلم انك في اسمر )) ... و مصيرو يرجع زي ما كان اذا وقفنا مع بعض ...

لكن بالمنظر الحالي ده ما اظن انو حا نكون مع بعض ... اذا واحد زعلان عشان مشاركتين اتمسحو ياخ قوول 100000 اتمسحو يعني شنو ؟!! ...

قصاد المشاركات ديل انت عرفته كم واحد في المنتدى ؟؟!!! ... طلعته بكم اخ من المنتدى ؟؟!!! ... طلعته بكم حبيب ؟؟!!!! ... هل ديل بتقدرهم بي ولو مليون مشاركه ؟!!! ...

المنتدى اداك ... فهل انت حا تديهو ولا لما احتاج ليك حا تخليهو ؟!!! ... كلو واحد يسأل نفسو السؤال ده ... و يشوف الجواب شنو ...

اذا كان الجواب هو معليش يا اسمر انا ما قاعد ... فنحن بنقول ليهو الله يرعاك و يديك الف عافيه ... ما ح نقعد نغني (( ماهو عارف قدمو المفارق )) كتير ... لكن سبحان الله فعلا (( يا مولاي حافي حالي )) ...

اما اذا كان الجواب هو انا قاعد يا اسمر ... فنحن بنقول ليهو المنتدى بيك و براك ما ببقى ...

زمان كنتو بتقولو اسمر بيتنا ... لكن هسه حالكم بقول انو اسمر مظلتكم ... جيتو وقفتو من الشمس و ماشين ...

عرفتو قصه الريد القديمه ؟؟!!! ... ارجعو بالذاكره شهر و شويه لي ورا ... و اتذكروا حال المنتدى كان كيف ؟؟!!! ...

انا ابصم ليكم بالعشره اي واحد فيكم كان بفتح المنتدى قبل ما يفتح الماسنجر بتاعو ... لكن هسه عااااااااادي تشغل النت و تطلع و انت ما فتحته المنتدى ...

فعلا الدنيا دواره و الأيام دول ...

الكلام كتيييييييييييييير و الله ... اعتقد انو الرساله وصلت ... نحن برضو زعلانين زيكم ... ولا تفتكرو انو نحن ما عايشين الموقف ؟؟!!!! ...

لكن صابرين ... و في نفس الوقت شغالين ...

قوائم و عوامد اسمر الثابته ... لكم مني كل التحيه و الإحترام ... لكم مني كل ود و ورد وحب ... كنا بكم و سنظل ...

الحا يمسك معانا الطبشور يقول انا معاكم و يشخبط لينا ... و الما داير يمسك معانا يتفرج و ينسحب ...

bounce

و لسه الشخابيط مستمره ...